செம்மறியாடு மற்றும் வெள்ளாடுகளுக்கான போக்குவரத்து வசதிகளும் கையாளுதலும்

ஆடுகளை பிடித்தல் மற்றும் கையாளுதல்

• ஆடுகளுக்கு  தீவனமளித்து அவைகளை பிடிப்பதே, மிகவும்  சுலபமான வழியாகும்.
• இவ்வாறு பிடிக்க இயலவில்லையெனில், ஆடுகளை மந்தையாக கொட்டகை அல்லது சுற்றி வளைத்தோ பிடிக்கலாம்.
• இவ்வாறு சுற்றி வளைத்த பின்னர் ஆடுகளின் பக்கவாட்டில் சென்று, அவைகளின் கொம்பு, கழுத்து, அல்லது கால்களை இலாவகமாக பிடிக்கலாம்.
• ஆடுகளின் பின்னங்கால்களை மெதுவாக பிடித்து அவைகளின் வயிற்றுப் பகுதியில் கை வைத்து அவைகளை உட்காரும் நிலையில் கையாளலாம்.
• பொதுவாக, தனியான ஆட்டினை பிடிப்பதைக் காட்டிலும் ஆட்டுமந்தையாக  இருக்கும் போது  பிடிப்பதே சுலபமானது.
• கொட்டகையில் தனியாக இருக்கும் குட்டிகள் எப்பொழுதும் பயந்த நிலையுடன் காணப்பட்டும். பக்கவாட்டு கம்பிகளில் முட்டி காயப்படுவதற்கு வாய்ப்புள்ளது.
• ஆடுகளை பிடிப்பவர் வலது கை பழக்கமுடையவரானால், ஆட்டின் வலது  முதுகு புறத்தில்  உள்ள தொங்கும் தோலினை பிடித்தலே சிறந்தது.  தோலை நன்கு பிடித்து ஆடுகளை முன்பக்கமாக எளிதில் தூக்கலாம்.
• ஆட்டின் தாடைப்பகுதியின் அடியில் உள்ள தோலினை ஒரு கையாலும் மற்றொரு கையை உடம்பின் அடிப்பாகத்திலும் பிடித்து ஆடுகளை நகர்த்தி செய்ய இயலும்.
• குட்டியுடன் உள்ள பெட்டை ஆடுகளை நகர்த்த,  குட்டிகளை நாம் தூக்கி சென்றால் தாய் ஆடுகள் நம் பின்னர் எளிதில் வரும்.
• ஆடுகளுக்கான போக்குவரத்து வசதி
• தொற்று மற்றும் நச்சுயிரி நோய்கள் ஏதும் இல்லை என்ற உடல்நிலை மருத்துவ சான்றிதழ் இருந்தால்  மட்டுமே ஆடுகள் வண்டிகளில் எடுத்து செல்ல இயலும்.
• ஆடுகளை வண்டிகளில் கொண்டு செல்லும் பொழுது, முதலுதவி பெட்டி வண்டியில் வைத்திருப்பது அவசியம். ஓரே தடுப்பில் கிடா மற்றும் பெட்டை ஆடுகளை வைத்து எடுத்துச் செல்லுதல் கூடாது.
• நோய் ஏதும் இல்லாமல், நல்ல ஆரோக்கியமான கால்நடைகளை வண்டிகளில் எடுத்துச் செல்லுதல் வேண்டும்.
• கால்நடைகள் ஒன்றோடொன்று  மிதித்து சேதம் ஏற்படாமல் இருக்க செம்மறியாடு மற்றும் வெள்ளாடுகளை கலந்து எடுத்துச் செல்லக் கூடாது.
• குட்டி ஈன்ற ஆடுகள் மற்றும் சினை ஆடுகள் மிதிபடாமல் தவிர்க்க அவைகளை தனித்தனியாக கொண்டு செல்ல வேண்டும்.
• நோய் வாய்ப்பட்ட இடங்களிலிருந்து நோய் தாக்காத இடங்களுக்கு ஆடுகளை எடுத்துச் செல்லும் பொழுது தகுந்த பாதுகாப்பு நடவடிக்கைகள் மேற்கொள்ள வேண்டும்.
• ஒரு இடத்திலிருந்து மற்றொரு இடத்திற்கு எடுத்துச் செல்வதற்கு 14 நாட்கள் முன்னரே ஆடுகளுக்கு தேவையான தடுப்பூசி அளித்தல் அவசியம்.
• ஓரே தடுப்பறையில் கிடாக்களையும் பெட்டை ஆடுகளையும் கலந்து எடுத்துச் செல்லுதல் (பயணித்தல் கூடாது).
• பயணத்தின் போது கால்நடைகளுடன் தேவையான முதலுதவி சாதனங்களை எடுத்துச் செல்லுதல் நல்லது.
• பயணத்தின் போது, அப்பயணம் முழுமைக்கும் தேவையான பசுந்தீவனம் மற்றும் அடர்தீவனம் எடுத்துச் செல்லுதல் வேண்டும்.
• கால்நடைகளை வண்டிகளில் ஏற்றுவதற்கு முன் வண்டி சுத்தமானதாகவும். பாதுகாப்பானதாகவும் பயணத்திற்கு ஏற்றதாக உள்ளதா என ஆய்வு செய்தல் வேண்டும்.
• கால்நடைகளுக்கு காயம் ஏற்படாமல்  இருக்க தரை மற்றம் சுவர் பகுதி பழுதடையாமலும்,  கூர்மையான ஆணி, மற்றும் பொருட்கள் இல்லாதவாறு பார்த்துக் கொள்ளுதல் நல்லது.
• கால்நடைகள் கீழே உட்காரும் பொழுது, அடிபடாமலிருக்க, வைக்கோல் மற்றும் படுக்கைக்கு உகந்த பொருட்களை தரையில் வைத்தல் நல்லது. இந்த  படுக்கை 5 செ.மீ. க்கு மிகாமல் இருத்தல் வேண்டும்.
• கால்நடைகள் வண்டியிலிருந்து குதித்து விடும் என்ற இடர்பாடு  இருந்தாலொழிய அவைகளை கட்டுதல் கூடாது.
• ஒவ்வொரு வண்டியிலும் அவைகளை பாதுகாப்பாக அழைத்துச் செல்ல கீழ்வரும் பொருட்களுக்கான குறிப்பேட்டை உடன் வைத்திருத்தல் அவசியம்.
• கால்நடைகளை பெறுபவரின் பெயர்,  முகவரி மற்றும் தொலைபேசி எண்.
• கால்நடைகளை அனுப்புபவரின் பெயர், முகவரி மற்று தொலைபேசி எண்.
• கால்நடைகளுக்கு வண்டியில்  வைக்கப்பட்டுள்ள  தீனங்களின் அளவு.
• போதுமான காற்றோட்ட வசதி.
• போக்குவரத்தின் நேரம் 12 மணி நேரத்திற்கு மேல் இருப்பின், ஒரு பணியாள் வண்டிகளில் இருத்தல் நல்லது.
• வண்டிகள் நகரும் பொழுது, ஆடுகள் உட்காராமல் பார்த்துக் கொள்வதுடன், ஒவ்வொரு மணி நேரத்திற்கும் அவைகளுக்கு குடிநீர் வழங்க வேண்டும்.
• கால்நடைகளை ஏற்றுதல்
• அதிக வெப்பமுள்ள காலை நேரங்களிலோ அல்லது குளிராக உள்ள இரவு நேரத்திலோ கால்நடைகளை வண்டிளில் ஏற்றக்கூடாது.
• கால்நடைகளை ஏற்றுவதற்கு மற்றும் இறக்குவதற்கு தேவையான சாய்வு பலகைகள் வண்டியில் இருத்தல் நல்லது. சாய்வு பலகையானது 0.75 மீட்டர் அகலமும், 0.75 மீட்டர் நீளமுமாக இருத்தல் வேண்டும்.
• சாய்வு பலகையில் தரையமைப்பானது 15செ.மீ. இடைவெளி கொண்ட பலகைகளாக இருப்பின் ஆடுகள் ஏறுவதற்கு மற்றும் இறங்குவதற்கு எளிதாக அமையும்.
• இரயில் வண்டிகளில் கால்நடைகளை அனுப்பும் தருவாயில், பிரிக்கப்பட்ட வண்டியின் கதவை சாய்வு பலகையாக ஆடுகளை ஏற்றுவதற்கு பயன்படுத்தலாம். அச்சமயங்களில் சாய்வு பலகையின் இரு பக்கங்களிலும் வைக்கோல் போர் கொண்டு அடுக்க வேண்டும்.

இடவசதி

• கம்பள செம்மறியாடுகளுக்கு தேவையான இடவசதியே வெள்ளாடுகளுக்கு போதுமானது. இரயில் வண்டி அல்லது சரக்கு வண்டியில் ஒரு ஆட்டிற்கு தேவையான இடவசதி பின்வருமாறு,

• வண்டிகளில் தேவைக்கு அதிகமான ஆடுகளை ஏற்றக் கூடாது.
• மலைப்பிரதேசங்களில் பயணிக்க வேண்டியிருந்தால், வண்டிகளில் தேவையான தடுப்புகள் அவசியம்.
• இரயில் வண்டிகளில் பயணிக்கும் பொழுது, கீழ்க்கண்ட இடவசதிகள் ஆடுகளுக்கு அவசியம்.

• ஆடுகள் நெருக்கமாக நசுக்கப்படாமலிருக்க ஒவ்வொரு 2.3 மீட்டர் அகலத்திற்கும் தடுப்பு வசதிகள் பெரிய சரக்கு வண்டிகள் மற்றும் இரயில் பெட்டிகளில் இருத்தல் நல்லது.
• 6 வாரத்திற்கு கீழ் உள்ள செம்மறியாட்டு குட்டிகளுக்கு, பெரிய ஆடுகளுக்கு தனித்தனி அறைகளில் கொண்டு செல்ல வேண்டும்.
• ஆடுகள் குலுங்காமல் பயணிக்க, வண்டியின் வேகம் 40 கிலோ மீட்டருக்கு மிகாமல் இருத்தல் அவசியம். ஆடுகள் ஏற்றி செல்லும் வண்டிகளில் பிற சந்தை பொருட்களை கொண்டு செல்லுதல் கூடாது. மேலும் சாலையில் செல்லும் பொழுது அடிக்கடி நின்று செல்லக் கூடாது.